Сөмөлүөтүнэн айаны субсидиялыырга эбии 400 мөл. солк. көрүллүөҕэ

Дойду киин куораттарын уонна Уһук Илин эрэгийиэн икки ардыгар сөмөлүөтүнэн айаҥҥа субсидия оҥорорго быйыл 400 мөл. солк. эбии көрүллүөҕэ.

Уһук Илини сайыннарыыга миниистир Александр Козлов: «Салгын тырааныспарын боппуруоһун быһаарарга анал үлэ бөлөҕө тэриллэн, олохтоох бэрэстэбиитэллэр, авиахампаанньалар, аэропуортар ситимнэрин көрөр, уматыгынан хааччыйар тэрилтэлэр киириэхтэрэ.  Биһиги бүгүҥҥү сорукпут – кэлэр үс сылга ылыллар бүддьүөт былаанын оҥорууга баар кыһалҕалары туоратыахха, кутталлаах түгэннэри кыччатыахха наада. Уһук Илин тырааныспарыгар уонунан сылынан быһаарыллыбатах боппуруостары сөргүтэн, дьон олоҕун табыгастаах оҥорор кэм уолдьаста. Ол туһугар тырааныспар миниистирэ Евгений Дитриҕи кытта бииргэ үлэлэһиэхпит», — диэн эттэ.

Марианна Тыртыкова, «Саха сирэ», edersaas.ru