РФ Накаастабылы толорор федеральнай сулууспатын Саха сиринээҕи управлениета иһитиннэрбитинэн, Дьокуускай куорат көс-холуонньатын хаайыылааҕа үлэлиир сириттэн холуонньаҕа төттөрү кэлбэтэх.
Аата-суола: Жирков Денис Дементьевич, 27.03.1984 сыллааҕы төрүөх. Дьокуускай куораттан төрүттээх.
2013 сыл ахсынньы 13 күнүгэр уорууга, талааһыҥҥа буруйданан, 6 сылга көҥүлэ быһыллыбыт.
Көстүөн сөп сирдэрэ: автовокзал, ырыынактар, дьиэлэр тех.этээстэрэ, подъезтара, даачалар, Речевой оскуола, Жатай, Кангалассы.
Өскөтүн күрүөйэх туһунан туох эмит сибики билиннэҕинэ, Дьокуускай куорат Накаастабылы толорор управлениетыгар (Дзержинскэй уул., 10-на) биитэр бу нүөмэрдэргэ 34-16-26, 8-924-868-65-44, 8-914-271-75-85 эрийэн биллэрэргитигэр көрдөһөллөр. Анонимноһы уонна манньаны мэктиэлииллэр.
Бэлиэтээн эттэххэ, РФ Холуобунай-исполнительнай кодексатын 129-с ыстатыйатын ирдэбилинэн, көс-холуонньаҕа буруйдарын боруостааччылар харабыла суох сылдьаллар. Холуонньа дьаһалтата көҥүллээтэҕинэ, көс-холуонньа таһыгар үлэлиэхтэрин, гражданскай таҥаһынан сылдьыахтарын, харчылаах уонна сыаналаах маллаах буолуохтарын сөп.
Биһиги корр., «Саха сирэ» хаһыат, edersaas.ru
Хаартыска: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.