Суһал ыстаап уочараттаах мунньаҕа буолла

Бөлөххө киир:
Саха сиригэр коронавируһунан ыалдьыы ахсаана сыыйа намтаан иһэр. Ол гынан баран ыараханнык ыалдьааччы  ахсаана аҕыйыы илик.  Ыалдьыбыт дьон кыраадыстара суох буолан, балыыһаҕа көрдөрүммэттэр. Ол эрээри кэлиҥҥи кэмҥэ кэтээн көрдөххө, дьаҥҥа хаптарбыт киһи аан бастаан күүскэ аҕылыыр эбит.
Суһал ыстаап уочараттаах мунньаҕар COVID-19 килиниическэй сибикилэрин туһунан кэпсэттилэр.  Кэлиҥҥи кэмҥэ ыарыһах ахсаана аҕыйаата эрээри, ыараханнык ыалдьар дьон элбээбитэ киһини долгутар. Бу маны быраастар ыарыы килиниическэй сибикитэ уларыйбытын кытары сибээстииллэр. Коронавирус дьаҥа киһи температурата үрдээһинин эрэ кытары сибээстээх дии саныыллар. Ол гынан баран, бу ыарыы өссө биир сибикитинэн аҕылааһын буолар.
Онон Ил Дархан Айсен Николаев нэһилиэнньэҕэ сэрэтэр, өйдөтөр үлэни күүһүрдэр туһунан эттэ.
Маны таһынан Айсен Сергеевич  коронавируһу утары быһыыны биэрии тэтимин ыһыктыбат туһунан сорудахтаата.
СӨ Ил Дарханын уонна  бырабыыталыстыбатын пресс-сулууспата
+1
0
+1
0
+1
0
+1
0
+1
0
+1
0
+1
0