Ааспыт сууккаҕа Саха сиригэр 250 киһи коронавирустаабыт. Үгүс өттүгэр вакцината суох дьон ыалдьалларын туһунан суһал ыстаап мунньаҕар бүгүн Ил Дархан Айсен Николаев иһитиннэрдэ.
«Бэҕэһээ 250 киһи ыалдьыбытыттан 105-һэ Дьокуускайга тиксэр. Үгүс өттүгэр коронавируһу утары быһыыны ылбатах дьон ыалдьар. Ити 250-тан 20%-нын оҕолор ылаллар. Аны ити хаалбыт 200 киһиттэн 194-дэ быһыыны ылбатах дьон», -диэн Айсен Николаев бэлиэтээтэ.
Онон өрөспүүбүлүкэ баһылыга вакцинацияны тэтимирдэргэ эттэ. Бүгүҥҥү туругунан өрөспүүбүлүкэ 7 оройуонугар вакцинация таһыма 60% намыһах. Ол курдук Амма, Үөһээ Бүлүү, Мииринэй, Нам, Нерюнгри, Өлүөхүмэ уонна Чурапчы улуустарыгар. Сорох хоту улуустарга быһыыны биэрии таһыма 80%-тан үрдээбит.
Роспотребнадзор Саха сиринээҕи управлениетын салайааччыта Маргарита Игнатьева ааспыт нэдиэлэҕэ ОРВИ уонна грипп ыарыыта соһуччу үрдээбитин иһитиннэрдэ. Грипп – 73,5%. үрдээбит.
Доруобуйа харыстабылын чахчыларынан, билиҥҥи туругунан өрөспүүбүлүкҕэҕэ вакцинация 273 пууна үлэлиир. Ааспыт сууккаҕа бастакы компонены 2 832 киһи ылбыт.
Сэтинньи 30 күнүгэр «Спутник Лайт» 6 тыһыынча дозата аҕалыллыбыт. Маны таһынан сэтинньи 26 күнүгэр «ЭпиВакКорона» 11 528 дозата кэлбит.
edersaas.ru