Суһал ыстаап мунньаҕа: сүрүн сорук — COVID-19 ыарыы үрдээһинин бохсуу

Ааптар: 
Бөлөххө киир:

Суһал ыстаап туох туһунан мунньахтаата?

Алтынньы 12 күнүгэр Саха сирин Ил Дархана Айсен Николаев коронавирус дьаҥын тарҕаныытын таһаарбат туһунан суһал ыстаап мунньаҕын ыытта.

Ил Дархан ыарыы олус үрдээбитинэн балаһыанньа уустугурбутун бэлиэтээтэ. Реанимацияларга 164 ыарыһах сытар, кинилэртэн 43 киһи ИВЛ аппараатыгар холбоммут.

“Сүрүн сорук – ыалдьыбыт дьон ахсаана элбээһинин таһаарбат буолуу”, — диэн сыалы туруорда кини. Айсен Николаев быһыыны ылыы намыһах таһымнаах кэккэ оройуоннарыгар уонна Дьокуускай куоракка быһыыны ылыыны күүһүрдэргэ эттэ. Маны сэргэ вирус түргэнник тарҕаныытын уопсастыбаннай сирдэри дезинфекциялааһын, мааска эрэсиимэ, бэйэ-бэйэттэн тэйиччи туттуу тохтотуохтарын сөп.

Суһал ыстаапка QR-код тиһигэр көһүөххэ сөбүн көрөргө сорудахтанна. Ити эрээри, Николаев бүгүҥҥү туругунан локдауну киллэрии ирдэммэтин аҕынна.

Бырабыыталыстыба бэрэссэдээтэлин солбуйааччы Ольга Балабкина өрөспүүбүлүкэҕэ пандемия саҕаланыаҕыттан COVID-19 бигэргэммит 56877 түгэнэ бэлиэтэммитин эттэ. Ааспыт нэдиэлэҕэ 1512 ыалдьыы тахсыбыт.  Сүрүннээн өрөспүүбүлүкэҕэ кыра аччааһын бэлиэтэнэр, оттон Дьокуускайга – үрдээһин. Ол эрээри, дьаҥ кыра нэһилиэнньэлээх пууннарга тарҕанар.

Бырабыыталыстыба бэрэссэдээтэлин солбуйааччы кэнники күннэргэ муниципальнай тэриллиилэргэ быһыыны ылыы тэтимэ намтаабытын бэлиэтээтэ.

Роспотребнадзор управлениетын салайааччыта Маргарита Игнатьева иһитиннэрбитинэн, ОРВИ уонна кириип эпидбалаһыанньата нэдиэлэҕэ 64 быр. куоһарбыт, ол эрээри ааспыт нэдиэлэттэн 7 бырыһыан аччаабыт. Ааспыт нэдиэлэни кытта тэҥнээтэххэ, 3-тэн 6 диэри саастаахтарга ыалдьыы 8 быр., 7-тэн 14 диэри – 14,9 быр., улахан дьоҥҥо – 7 быр. аччаабыт. Дьокуускай куоракка ыалдьыы эпид таһымы 58,3 быр. куоһарбыт. Ол эрээри оскуола үөрэнээччилэрэ икки нэдиэлэ устата тэйиччиттэн үөрэммиттэрин түмүгэр ааспыт нэдиэлэни кытта тэҥнээтэххэ, ыалдьыы таһымын 16 % аччатар кыаҕы биэрбит. Өрөспүүбүлүкэҕэ кирииби утары быһыыны ылыы  19,3 %, кинилэртэн  21 %  — оҕолор,  18 % — улахан дьон. Өрөспүүбүлүкэҕэ чугастааҕы кэмҥэ алын сүһүөх кылаас оҕолоругар быһыыны биэриигэ болҕомто ууруллуохтаах.

Эргиэн 40 эбийиэгэр уонна уопсастыбаннай аһылыгы тэрийии 47 тэрилтэтигэр хааччахтыыр миэрэлэри тутуһууга туһааннааҕынан 28 уонна 39 кэһии бэлиэтэммит. Дезинфекцияны ситэ ыыппатахтар, мааска эрэсиимэ тутуһуллубатах. Маргарита Игнатьева мааска эрэсиимин тутуһууну хонтуруоллааһыны күүһүрдэргэ, амбулаторнай ыарыһахтар уонна хантаактаспыт дьон хааччахтаныы эрэсиимин тутуһалларыгар эттэ.

Суһал ыстаап чилиэннэрэ кэлэктииптэр ортолоругар быһыыны ылыыга өйдөтөр үлэни күүһүрдэргэ, өрөспүүбүлүкэ кылаабынай санитарнай бырааһын уурааҕын тутуспат үлэни биэрээччилэргэ кытаанах миэрэлэри ылынарга этии киллэрдилэр.

Доруобуйа харыстабылын миниистирэ Елена Борисова кэнники түөрт нэдиэлэҕэ реанимацияҕа киирэр дьон ахсаана аҕыйаабатаҕын бэлиэтээтэ. Балтараа  ый устата 2,5 тыһыынча оҕону кэтииллэр. 2976 куойка пуондата баар, итинтэн Дьокуускайга – 1368.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Андрей Сорокин (СИА) хаартыскаҕа түһэриитэ

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0