Бүгүн, сэтинньи 10 күнүгэр, СӨ Бырабыыталыстыбатын бэрэссэдээтэлин солбуйааччы Ольга Балабкина улуустар уонна куорат уокуруктарын баһылыктарын кытта өрөспүүбүлүкэҕэ коронавирус балаһыанньатынан селекторнай мунньах ыытта.
Вице-премьер ааспыт нэдиэлэни кытта тэҥнээтэххэ, коронавируһунан ыалдьыы эрэгийиэҥҥэ 0,04%, ол иһигэр Дьокуускайга — 0,7% намтаабытын бэлиэтээтэ. Өрөспүүбүлүкэ улуустарыгар намтааһын бэлиэтэммэтин кэриэтэ, оттон сорохторугар элбээбитэ ыйыллар.
Ольга Балабкина баһылыктарга QR-куодка хонтуруолу, ону таһынан административнай хамыыһыйалар бэрэбиэркэлэрин күүһүрдэргэ соруйда.
«Өрөспүүбүлүкэҕэ ковидынан ыалдьыы намырыыра эрэсиими тутуһууттан быһаччы тутулуктаах«, — диэтэ кини. Улуустар баһылыктара быһыыны биэриигэ болҕомтону ууралларыгар тоһоҕолоото. Маныаха нэдиэлэ бастакы уонна иккис күннэригэр улуустарга быһыыны биэрии тэтимирбитин этэн туран, үлэни тэрийбит баһылыктарга махтанна.
Мунньах түмүгэр Ольга Валерьевна кэлэр икки ыйга өрөспүүбүлүкэ оскуолаларыгар уонна уһуйааннарга санитарнай-эпидемиологическай ирдэбили тутуһууга ордук улахан болҕомтону уурар наадатын бэлиэтээтэ.
Андрей Сорокин (СИА) хаартыскаҕа түһэриитэ
+1
+1
+1
+1
+1
+1
+1