Бүгүн Орто Халыма куоракка икки этээстээх дьиэ уокка былдьанна.
Егор Михалев, РФ Ыксаллаах быһыыга-майгыга министиэристибэтин Саха сиринээҕи управлениетын пресс-сулууспатын начаалынньыга:
– Орто Халыма куоракка дьуһуурунайдарга Строительнай уулуссаҕа турар икки этээстээх мас дьиэ умайан эрэрин туһунан суһал иһитиннэрии олунньу 20 күнүгэр түүн 4 чааска киирбитэ. Умуруорааччылар тиийэллэригэр уот дьиэ иккис этээһи барытын хаппыт этэ. Икки киһи эмсэҕэлээн балыыһаҕа сытар.
Билигин баһаар буолбут төрүөтүн уонна ким буруйдааҕын быһаара сылдьаллар.
* * *
Орто Халыматааҕы Саха НКИК филиалын үлэһитэ Александра Хабытчарова этэринэн, уоттан ким даҕаны эмсэҕэлээбэтэх. Баһаартан утуйа сытар дьон уһуктаат, түннүгүнэн таһырдьа тахсан, үчүгэй таҥаһа-саба суох буолан, тымныыга илиилэрин-атахтарын иһэлиппиттэр. Ити кэмҥэ таһырдьа 40-тан тахса кыраадыс тымныы этэ.