«Алмаасэргиэнбаан» урбаан тэрилтэлэригэр чэпчэтиилээх кирэдьиити биэрэр

«Алмаасэргиэнбаан» социальнай суолталаах табаардары, бородууктаны атыылыыр дьоҕус уонна орто урбаан тэрилтэлэригэр чэпчэтиилээх кирэдьиити биэрэр. «Суһал дьаһаллар” (“Быстрые меры”) диэн чэпчэтиилээх кирэдьииттээһин бырагыраамата СӨ Урбаан, атыы-тутуу уонна туризм министиэристибэтин кытта көмөлөөн оҥоһуллубута. Кирэдьиит урбаан салаатын өйөөһүҥҥэ, ону тэҥэ социальнай табаардар сыаналарын хааччахтааһыҥҥа, намтатыыга туһуланар.

Бу саас аймалҕан күөдьүйэн дьон-сэргэ өрүсүһэн табаары, бородууктаны кууһунан атыыласпыттарын түмүгэр, үгүс табаар сыаната кэрээнэ суох үрдээбитэ. «Своя копейка», «Удачная покупка» курдук “норуот маҕаһыыннара” чэпчэки сыананан дьону сэҥээрдэр бэлиитикэни тутуһар этилэр эрээри, ырыынак сокуона модьуйуутун тулуйбакка, бу да маҕаһыыннарга  социальнай суолталаах табаардар сыаналара үрдээбитэ. Чэпчэтиилээх кирэдьиит көмөтүнэн сыана үрдээһинэ хааччахтанарын таһынан, сорох социальнай суолталаах табаардар чэпчиэхтэрин сөп”, — диэн быһаарар маҕаһыын салайааччыта Олег Таубер.  «Алмаасэргиэнбаан» 5 мөл. солкуобайтан саҕалаан биир сыл болдьохтоох кирэдьиити биэрэр.

Кирэдьиит үбүн туһаныы усулуобуйата:

Кирэдьиит сууматыттан 70 %-тан итэҕэһэ суох — эбии ас-үөл уонна табаары атыылаһыыга;

Кирэдьиит сууматыттан 15 %-тан итэҕэһэ суох — тиэйии өҥөтүн төлөбүрүгэр;

15 % — атын табаары атыылаһыыга.

«Суһал дьаһаллар” диэн кирэдьиити ылыы усулуобуйатын «Алмаасэргиэнбаан» саайтыгар киирэн билсиэххэ сөп.

Билсэр төлөпүөн: 8 800 100-34-22.