Бу күннэргэ Степанида Артахинова Fazza Para Archery диэн 7-с аан дойдутааҕы рейтинговай турнирга кытынна.
edersaas.ru
Күрэхтэһии олунньу 23 күнүттэн Дубай куоракка саҕаланна. Турнирга Алжиртан, Францияттан, Индияттан, Ирантан, Казахстантан, Румынияттан, Арассыыйаттан, Словакияттан, Турцияттан, Украинаттан, ОАЭ-ттан 70-тан тахса күүстээх параспортсменнар кыттыыны ыллылар.
Күрэхтэһии бастакы күнүгэр, квалификационнай ытыылар түмүктэринэн Степанида Артахинова 684 очукуону ылан, бастаан испитэ. Салгыы плей-офф ытыылар олунньу 24-25 күннэригэр ыытыллыбыттара. Финал олунньу 26-гар буолбут. Биһиги кыыспыт Степанида Артахинова үрдүк маастарыстыбатын көрдөрөн, икки кыһыл көмүс мэтээли ылары ситистэ.
+1
+1
+1
+1
+1
+1
+1