Доруобуйа

“Стелс омикрон” BA.2 штамма саамай сыстыганнааҕынан быһаарыллыбыт

Омикрон-штамм BA.2 диэн көрүҥэ (атыннык “стелс омикрон” диэн ааттыыллар) хамсык кэмин устата коронавирус саамай сыстыганнаах көрүҥэ буолар. Бу туһунан Роспотребнадзор ЦНИИЭ диагностика саҥа ньымаларын көрдүүр научнай бөлөҕүн салайааччыта Камиль Хафизов биллэрбит.

“BA.2 штаммынан ыалдьыбыт дьон ахсаана  күннэтэ улаатан испитэ. Билигин дьаҥҥа сутуллубут дьон 90% бу штаммынан ыалдьаллар. Онон “стелс омикрон” хамсык саҕаланыаҕыттан саамай трансмиссивнай (сыстыганнаах) көрүҥ буолара бигэргэнэр.

Билигин омикрон-штамм хас даҕаны көрүҥэ баара биллэр. ВА.4 уонна ВА.5 тииптээх штаммнар Арассыыйаҕа көстө иликтэр, атын улахан дойдуларга эмиэ улаханнык тарҕана иликтэр. Ол эрэн Африка сорох дойдуларыгар сутуллуу бэрт киэҥник тарҕаммыта аан дойду вирусологтарын долгутар.

Саха сирэ» хаһыат, edersaas.ru

Хаартыска sakha.gov.ru

1
0
Telegram @edersaas20