Стас Софронов: “Эһэм дойдубутун көмүскүүргэ хаһан баҕарар бэлэм буоларга үөрэппитэ”

Бөлөххө киир:

РФ бэрэсидьиэнэ Владимир Путин Арассыыйа үрдүнэн мобилизация биллэрэр туһунан ыйааҕа тахсыбыта. Байыаннай комиссариаттар бэҕэһээҥҥиттэн үлэлэрин саҕалаабыттара. Дьокуускайга “Кыайыы 50 сыла” спорт дыбарыаһыгар хомуур бара турар.

Бастакы хомуурга ыҥырыллыбыт Стас Софронов аҕа дойдуну көмүскүүргэ хас биирдии киһи бэлэм буолуохтаах диир:

Бэҕэһээ дойдубут бэрэсидьиэнэ Владимир Путин мобилизация биллэрэр туһунан ыйааҕа тахсыбыта. Байыаннай комиссариаттан мобилизационнай ыйыылааххын, докумуоннаргын бэрэбиэркэлии кэлэ сырыт диэн миэхэ бэҕэһээ эрийбиттэрэ. Бүгүн сарсыарда байыаннай хамыыһыйаҕа бара сылдьыбытым, бэбиэскэ туттарбыттара. Бэбиэскэни туппут эр дьон бүгүн Дьокуускайга “Кыайыы 50 сыла” спорт дыбарыаһыгар кэлэн докумуоннарбытын туттарбыппыт. Онтон салгыы “Маяк” пууҥҥа бараары олоробут. Сэбиэскэй Сойууска төрөөбүт киһи аҕа дойдуну көмүскүүргэ, төрөөбүт дойдуну ытыктыырга кырабыттан иитиллибит киһи буолабын. Ииппит эһэм Аҕа дойду сэриитэ саҕаланыаҕыттан Берлиҥҥэ тиийэ сэриилэспит киһи. Кини миигин дойдуну көмүскүүргэ хаһан баҕарар бэлэм буоларга иитэн-үөрэтэн, такайан улаатыннарбыта.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0