Стартап-туурдары “Сколково” пуонда 2011 сылтан тэрийэн ыытар.
Елена ПОТОЦКАЯ, «Саха сирэ» хаһыат, https://edersaas.ru
“Бизнес-аанньал”, Москватааҕы «Сколково» пуонда президенин советнига Пекке Вильякайнен бэлиэтээбитинэн, стартап — аччыгый уонна дьоҕус бизнеһи сайыннарыы тэрээһинэ. «Бу харчы оҥорууга туһуламмыт идея, ядернай энергия да буоллун, чебурегы атылааһын аныгы ньыматын бырайыага да буоллун», — диэн санаатын тиэртэ топ-менеджер.
Оттон “Сколково” Технопаарка генеральнай дириэктэрэ Ренат Батыров:
— Биһиги бу стартап-тууртары тэрийэн, үс сыалы ситиһэбит: эһиги өрөспүүбүлүкэҕитигэр, дойдубутугар Арассыыйаҕа, аан дойдуга сыһыаны уларытабыт; стартап-туурга кыттааччыларга урбаанньыт тыынын уһугуннарабыт; биһигиттэн үөрэнэн баран, ракета курдук космоска “көтөр” кынаты “үүннэрэбит”. Биһиги ыыппыт стартап-туурдарбыт кэнниттэн регион аайы дьон санаата уһуктар, кэрэни уонна сырдыгы саҕыахтарын баҕарар күүстэрэ уһуктар.
Кырдьык да, ааттаах-суоллаах аан дойдутааҕы таһымнаах бизнес-тренердэр икки күннээҕи лиэксийэлэрэ үгүс саҥалыы толкуйдаах дьону “уһугуннарда”, олоххо ураты тыыны сахта, үйэлээҕи айарга сирдээтэ.
Елена ПОТОЦКАЯ, «Саха сирэ» хаһыат, https://edersaas.ru