Бу күннэргэ, атырдьах ыйын 16-18 күннэригэр, Башкортостан өрөспүүбүлүкэтин киинигэр Уфаҕа көҥүл тустууга юниордарга (21-гэр диэри саастаахтарга) аан дойду үрдүнэн бастыыр иһин күрэхтэһии буола турар.
Манна 70 киилэҕэ диэри ыйааһыҥҥа Арассыыйа сүүмэрдэммит хамаандатыгар биир дойдулаахпыт Станислав Свинобоев киирэн туста сылдьар. Бүгүн кини боруонса мэтээл иһин тустуоҕа.
Станислав бэҕэһээ бастакы киирсиитигэр (финал 1/8)— Турция бөҕөһүн Оздемиры 6:4 ахсааҥҥа, салгыы Индия тустуугун Джайдип Джайдибы (финал 1/4) 6:2 ахсааҥҥа кыайталаата. Онтон финал аҥаарынааҕы киирсиигэ Азербайджантан сылдьар Европа 2021 сыллааҕы чөмпүйүөнүн Джабраил Гаджиевтан 6:1 ахсааҥҥа хоттордо. Онон тустуукпут салгыы боруонса мэтээл иһин туста көбүөргэ тахсыаҕа.
+1
+1
+1
+1
+1
+1
+1