Атырдьах ыйын 28 күнүгэр Саха сиригэр 43 коронавируһунан саҥардыы ыалдьыбыт киһи баара билиннэ. Ол туһунан доруобуйа харыстабылын миниистирэ Елена Борисова иһитиннэрдэ.
edersaas.ru
Суукка иһигэр Дьокуускайга — 20, Өлүөхүмэҕэ, Хаҥаласка 5-тии, Мииринэйгэ – 3, Нерюнгригэ, Ньурбаҕа, Алдаҥҥа – 2-лии, Дьааҥыга, Мэҥэ Хаҥаласка, Тааттаҕа, Сунтаарга 1-дии киһи ыалдьыбыт.
Коронавируһунан ыалдьыбыт 2 киһи олохтон туораата. Өрөспүүбүлүкэтээҕи суһал ыстаап кинилэр чугас дьонноругар кутурҕанын биллэрэр.
Барыта 3 тыһыынча кэриҥэ тест оҥоһуллубут. Елена Борисова эппитинэн, бу күһүҥҥүттэн анаалыс ахсаанын элбэтэргэ сорук ылыммыттар, тоҕо диэтэр, тумуу, ОРВИ, кириип, ротавируснай инфекция курдук ыарыыларынан ыалдьыы ахсаана күһүн биллэ эбиллэр.
Пандемия саҕаланыаҕыттан бу күҥҥэ диэри барыта 374 тыһыынча анаалыс оҥоһуллубут.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1