Өссө 203 киһи хамсык дьаҥар сыстыбыт

Ааптар: 
06.11.2020
Бөлөххө киир:

Кэнники суукка устатыгар 203 киһи хамсык дьаҥар сыстыбытын туһунан бүгүҥҥү брифинг кэмигэр иһитиннэрдилэр.

edersaas.ru

Ол курдук, Дьокуускай куоракка – 117, онтон атына улуустарга. Ыалдьыбыт дьон ахсаанын аҥаара улуустарга олорор буолан, улуустарга үлэни күүһүрдэргэ болҕомто ууруллар.

Балачча чуумпу Кэбээйи улууһугар 11 киһи ыалдьыбыта бэлиэтэннэ. Ыарыы салгыы тарҕамматын туһугар улууска кэккэ миэрэлэр ыытыллаллар. Ньурба улууһугар балаһыанньа балачча уустук. Кырдьаҕастар интэринээт-дьиэлэригэр бөлөҕүнэн ыалдьыы тахсыбыта. Бэҕэһээ улуус баһылыгын уонна балыыһа кылаабынай бырааһын кытта, ыарыһахтары киллэрэргэ анаан атын дьиэни көрдүлэр, саҥа аһыллыбыт куойкаларга ыарыһахтары киллэрэн саҕалыахтара”, — диэн СӨ Бырабыыталыстыбатын Бэрэссэдээтэлин солбуйааччы Ольга Балабкина иһитиннэрдэ.

Алдаҥҥа, Мииринэйгэ алталыы, Горнайга, Мэҥэ Хаҥаласка, Өлүөхүмэҕэ биэстии, Бүлүүгэ, Нерюнгрига, Ньурбаҕа уонна Уус Алдаҥҥа түөртүү, Өймөкөөҥҥө, Сунтаарга, Чурапчыга үстүү, Аммаҕа, Үөһээ Бүлүүгэ, Эдьигээҥҥэ, Ленскэйгэ, Намҥа, Өлөөҥҥө, Тааттаҕа, Хаҥаласка иккилии, Аллайыахаҕа, Анаабырга, Булуҥҥа, Дьааҥыга, Орто Халымаҕа, Уус Маайаҕа, Усуйаанаҕа биирдии киһи ыалдьыбыта бигэргэммит.

Кэлиҥҥи суукка устата 5362 анаалыс оҥоһуллубут. Хомойуох иһин, 3 киһи олохтон туораабыт.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0