Өрөспүүбүлүкэтээҕи хамсык дьаҥын сэрэтэр суһал ыстаап иһитиннэрэринэн, кэлиҥҥи сууккаҕа Саха сиригэр, уопсайа, 145 киһи ыалдьыбыт.
Дьокуускайга – 48, Мииринэй улууһугар – 24, Алдан улууһугар – 14, Мэҥэ Хаҥалас улууһугар – 11, Нерюнгри улууһугар – 9, Ленскэй улууһугар – 8, Эдьигээн улууһугар – 6, Аллараа Халыма, Таатта улуустарыгар – биэстии, Томпо улууһугар – 4, Нам улууһугар – 3, Ньурба, Эбээн Бытантай улуустарыгар – иккилии, Үөһээ Бүлүү, Бүлүү, Уус Алдан, Хаҥалас улуустарыгар – биирдии.
СӨ Бырабыыталыстыбатын Бэрэссэдээтэлин солбуйааччы Ольга Балабкина: “Саҥа дьыллааҕы сынньалаҥ кэнниттэн уоппускаттан кэлбит дьон ортотугар ыалдьыбыттар балачча элбэхтэр. Ол курдук, кэлиҥҥи сыл аҥаарыгар түөрт-биэс эрэ киһи ыалдьыыта бэлиэтэнэ турбут Ленскэй оройуонугар улуус, өрөспүүбүлүкэ тас өттүттэн кэлэн үлэлэригэр тахсыбыттар ортолоругар ыалдьыбыттар бааллар”, — диэн иһитиннэрдэ. Онон Саха сирин тас өртүттэн кэлээччилэр доруобуйаларыгар эппиэтинэстээхтик сыһыаннаһалларыгар, кинилэр доруобуйаларыттан аттыларыгар баар дьон доруобуйата быһаччы сыһыаннааҕын санатта.
Өрөспүүбүлүкэҕэ аҕалбыт иккис партия 27 292 доза вакцинаны бүгүн улуустарынан тарҕаталлар. Сорохтор номнуо туппуттар. Суукка устата 2379 анаалыһы оҥорбуттар.
“Саха сирэ” хаһыат, edersaas.ru