Гамалеи аатынан киин уонна РФПИ «Спутник V» диэн ааттаммыт коронавирус утары вакцина дьайар көдьүүһүн эспэримиэн кыттаачылара препарат маҥнайгы чааһын ылбыттара 21 хонук ааспытын кэнниттэн биллэрдилэр.
Учуонайдар этэллэринэн, вакцина көдьүүһэ 91,4 %-ны көрдөрбүт. Вакцинаны ылбыт дьонтон 78 киһи коронавирустаабыт, олортон 62 киһитэ плацебо, ол эбэтэр сымыйа препараты ылбыттара биллэриллибит.
Эспэримиэн бу түһүмэҕэр 22,7 тыһыынча киһи кыттыбыт. Эспэримиэн кэмигэр үс хонтуруоллуур кээмэйдэр ылыллаллара былааннаммыта. Маҥнайгы хонтуруолга «Спутник V» үлэлиир көдьүүһэ 92 % диэн ааҕыллыбыта, бу сырыыга көрдөрүү 91,4 %, үһүс түһүмэх өссө оҥоһулла илик.
Билигин вакцина бүтэһиктээх тургутуута бара турар, манна 40 тыһыынча киһи вакцина уонна плацебо препараттары ылан кытта сылдьар.
«Саха сирэ» хаһыат, edersaas.ru
Хаартыска: Frank Augstein / Getty Images