Доруобуйа

«Спутник V» вакцинаны Дьокуускайга уонна улуустарга ылыахха сөп

От ыйын 12 күнүгэр бырабыыталыстыба бэрэссэдээтэлин солбуйааччы Ольга Балабкина «Спутник V» вакцинаны  улуустарга уонна Дьокуускайга ылыахха сөбүн иһитиннэрдэ.

Бүтэһик сууккаҕа өрөспүүбүлүкэҕэ 97 киһи коронавирус дьаҥар сутуллубут. Онтон Дьокуускайга — 52 киһи, Нерюнгригэ — 6, Мииринэйгэ, Бүлүүгэ — 5-тии, Ленскэй, Амма, Эдьигээн — 3-түү, Мэҥэ Хаҥалас, Ньурба,Уус Алдан, Хаҥалас, Чурапчы, Эбээн Бытантай — 2-лии, Алдан, Үөһээ Халыма, Дьааҥы,  Горнай, Нам, Өлүөхүмэ, Өлөөн, Сунтаар — 1-дии киһи  ыалдьыбыт. Коронавирус дьаҥыттан «ыраас» Орто Халыма, Анаабыр, Аллайыаха улуустара олороллор.

«Бу үс хоту оройуоннарга вакцина үлэтэ ситиһиилээхтик барар. «Ыраас» улуус ахсаана өрөспүүбүлүкэҕэ сыыйа элбээн иһиэхтээх» диэтэ. Сууккаҕа 1195 чинчийии оҥоһуллубут, пандемия саҕаланыаҕыттан 1216 374 тест оҥоһуллубут.

«Спутник V» вакцина оройуоннарга баар. Оттон Дьокуускайга маны ыларга эрдэттэн суруттарыллар.

 

Ульяна Захарова, edersaas.ru

0
0