Бүтэһик сууккаҕа Саха сиригэр коронавируһунан 155 киһи ыалдьыбыта биллэр. Көстөрүн курдук, ыалдьыбыт дьон ахсаана эмиэ сыыйа эбиллэн эрэр. Саҥа ыалдьыбыт дьон үксүн өрөспүүбүлүкэ тас өттүттэн кэлиини кытта уонна дьиэ кэргэнинэн сыстыыны кытта сибээстээҕин бырабыыталыстыба бэрэссэдээтэлин солбуйааччы, өрөспүүбүлүкэтээҕи суһал ыстаап салайааччытын солбуйааччы Ольга Балабкина иһитиннэрдэ.
Саха сиригэр дьаҥ тарҕаныаҕыттан 281 755 вакцинанын аҕалбыттар. Бу күннэргэ эбии 6000 доза “Спутник Лайт” вакцинаны тиэрдибиттэр. Бу вакцинаны мариковкалааһын кэнниттэн иккистээн быһыыны ылааччыларга (ревакцинация) анаан өрөспүүбүлүкэ мэдиссиинэтин тэрилтэлэригэр тарҕатыахтара диэн Ольга Балабкина эттэ. Иккистээн быһыыны туруорууга ахсынньы-тохсунньу ыйдарга быһыыны ылбыт мэдиссиинэ үлэһиттэрэ итиэннэ 65-тэн үөһэ саастаах дьон хапсаллар.
Өрөспүүбүлүкэҕэ дьаҥ туруга билигин даҕаны уустук. Онон бэйэни харыстанар миэрэлэри хайаан даҕаны тутуһар ирдэнэр.
Хаартыска: https://www.onlinetambov.ru