“Спутник-Лайт” дьаҥ саҥа көрүҥэр туһалаах

Бөлөххө киир:

Арассыыйа үрдүнэн дьаҥы утары быһыыны биэрии салҕанан бара турар. Билигин биһиги дойдубутугар COVID-19 ыарыыны утары биэс вакцина регистрацияны ааспыта.

Ол курдук, “Спутник V”, “Спутник Лайт”, “ЭпиВакКорона”, “ЭпиВакКорона-Н” уонна “КовиВак” вакциналар бааллар. Бу вакциналартан “Спутник Лайт” биирдэ эрэ бэриллэр. Экспертэр бэлиэтииллэринэн, “Спутник Лайт” коронавирус “Дельта” диэн көрүҥэр быдан көдьүүстээх.

“Аныгыскы нэдиэлэҕэ коронавирус “Дельта” көрүҥүн утары охсуһууга икки төгүллээн бэриллэр вакциналардааҕар “Спутник Лайт” вакцина ордук көдьүүстээҕин уонна туһалааҕын туһунан түмүк информацияны этиэхпит”, – диэн иһитиннэрэр Утары инвестициялааһын Арассыыйатааҕы пуондатын салайааччыта Кирилл Дмитриев.

Санатан эттэххэ, бу иннинэ Кордова национальнай университета коронавирус саҥа көрүҥнэрин бохсууга “Спутник V” вакцина туһалааҕын туһунан дакаастабыла тахсыбыта. Билигин Арассыыйа бу көрүҥүн вакцината, кэтээн көрүү түмүгүнэн, көдьүүһэ 83-94 % тэҥнэһэр.

Ол эрээри Арассыыйа сорох вакциналарын тас дойдулар билиммэттэр. Холобур, билигин Турция “Спутник Лайт” вакцинациялаах дьонтон эбии ыспыраапка көрдүүр. “Спутник V” эрэ вакцинаны эрэ билинэр.

Аграфена КУЗЬМИНА.

Хаартыска — ria.ru

+1
0
+1
0
+1
0
+1
0
+1
0
+1
0
+1
0