Токиоҕа сайыҥҥы Олимпиада өрө көтөҕүллүүлээхтик, үрдүк тэрээһиннээхтик ыытыллар.
Арассыыйа спортсменнара манна ROC (Russian Olympic Committee) дьаралыктаах кытталлар.
Бэлиэтээн эттэххэ, манна Кыргызстан сүүмэрдэммит хамаандатыттан биһиги биир дойдулаахпыт, саха бөҕөһө Айаал Лазарев кыттар. Айаал Аммаҕа төрөөбүтэ, улааппыта. Азия чөмпүйэнээттэрин элбэх төгүллээх призердарынан, чөмпүйүөнүнэн, аан дойду кубогын призерунан буолары ситиспитэ.
Саха сирэ биир дойдулаахпытынан, күүстээх спортсмеммытынан киэн туттабыт! Саха сирэ — эйиигин кытта!
Токиоҕа Олимпиада атырдьах ыйын 8 күнүгэр диэри ыытыллар. Биһиги олимпиецтарбытыгар дойдуларын өйөбүлэ олус наада. Сүүмэрдэммит хамаандабытын өйүөҕүҥ, спортсменнарбытыгар кыайыылары баҕарыаҕыҥ! Өйөбүл флешмобугар кыттыаҕыҥ.
#НашГеройОлимпиады
#wewillROCyou
#ЗаРоссию!
#wewillROCyou14