Спортсменнар дьарыктарыгар саҥардан биэриилэр киллэриллэллэр.
СӨ Ил Дархан коронавирус дьаҥын утарыыга, бохсууга ыйаахтарыгар эбиилэр, уларыйыылар киллэриллиилэринэн, өрөспүүбүлүкэҕэ эбии үөрэхтээһин уонна спортивнай бэлэмнэнии бырагыраамаларыгар саҥардан биэриилэр киллэриллэллэр диэн иһитиннэрэр СӨ Успуорка министиэристибэтин пресс-сулууспата.
Спортивнай бэлэмнэниигэ, бары ирдэбил, эбийиэккэ хастыы киһи биир кэмҥэ киирэн дьарыктанара хайаан да булгуччу тутуһуллуохтаах. Эрчиллиилэр физкултуура уонна успуорт тэрилтэлэригэр (успуорт аһаҕас уонна сабыылаах тэрилтэлэригэр, физкультурнай-доруобуйаны чэбдигирдэр комплекстарга, сөтүөлүүр бассейннарга, фитнес-кулууптарга) олоҕурбут биир халыыпка сөп түбэһиннэриллэн ыытыллаллар.
«Бу өр кэмҥэ тэйиччиттэн олорон, дистанционнай форматынан дьарыктаммыт дьоҥҥо наадалаах хардыы. Эрчиллиилэри тэрийиигэ бары санитарнай ирдэбиллэр хайаан да тутуһуллаллара ирдэнэр. Тириэньэрдэр ыстааптара мааскалаах уонна бэрчээккилээх сылдьыылара булгуччулаах. Успуорт эбийиэктэрин салалталарыгар санитайзердар баар буолалларын хааччыйаллара, киириигэ температура кэмнэнэрэ, туох баар тэрили сууйуу-сотуу, дезинфекциялааһын тиһиктээхтик оҥоһуллара сорук быһыытынан туруоруллар. Тренажернай саалалардаах эбийиэктэргэ маассабай успуордунан, физкультуранан дьарыктанааччыларга уонна чааһынай фитнес-кииннэр атырдьах ыйын 14 күнүттэн үлэлииллэр, — диэтэ миниистир Иннокентий Григорьев.
+1
+1
+1
+1
+1
+1
+1