«Саха сирин киэн туттуута» норуот бириэмийэтин «Спортсмен» номинацията түмүктэнэр биэтэккэ кэллэ.
edersaas.ru
Бастыҥ спортсмены талыыга уопсайа 5500 куолас киирбитэ.
Муус устар 24 күнүнээҕи (15.40) түмүгүнэн Егор Пономарев бастаан иһэр. Онон барыллааһын түмүк маннык буолла:
— Егор Пономарев, Чурапчы улууһа, Арассыыйа чөмпүйүөнэ, көҥүл тустуу — 1548 куолас, 1125 — социальнай ситимнэргэ.
— Сардана Осипова, Нам улууһа, 2018 сыллааҕы Эйэ Кубогын хаһаайката, мас-рестлинг — 877 куолас, 463 — социальнай ситимнэргэ.
— Руслан Пахомов, Сунтаар улууһа, любителлэргэ Классическай саахымат аан дойдутааҕы чемпионатын 3-с призера — 823 куолас, 451 — социальнай ситимнэргэ.
— Ирина Севрюк, Томпо улууһа, РФ спордун маастара, мас-рестлинг, армлифтинг— 753 куолас, 317 — социальнай ситимнэргэ.
— Игнат Андросов, Таатта улууһа, Кытайга ыытыллыбыт норуоттар икки ардыларынааҕы турнирдар кыайыылаахтара, көҥүл тустуу — 665 куолас, 421 социальнай ситимнэргэ.
«Саха сирин киэн туттуута» куонкурус 2017 сыл алтынньы ыйтан саҕаланыаҕыттан, быйыл кулун тутарга диэри бары номинаннарга 259342 куолас киирдэ. Саамай элбэх куолас «Быраас» номинацияҕа киирбитэ — 97 028. 279 киһи анал номинация кыттыылааҕынан буолла. Аны өссө түөрт номинация иһин күөн көрсүү хаалла.
«Саха сирин киэн туттуута» бириэмийэ тэрийээччилэрэ — «Сахамедиа» холдинг: «Якутия» уонна «Саха Сирэ» хаһыаттар, «СИА» уонна «Эдэр саас» электронннай таһаарыылар. Бириэмийэ генеральнай партнера — саха национальнай иһитин оҥорор «Көмүлүөк» хампаанньа.
Елена ПОТОЦКАЯ, «Саха сирэ» хаһыат, edersaas.ru
Хаартыска — СИА.
