Спортивнай оонньууларга путевка иһин волейболга чөмпүйэнээттэр салҕаналлар

Ааптар: Эдэр Саас

Бөлөххө киир:

Ааспыт нэдиэлэҕэ VIII Норуоттар спортивнай оонньууларыгар кыттар путевкалар иһин Чурапчыга уонна Намҥа волейболга бастакы лига хамаандаларыгар чөмпүйэнээттэр ыытыллыбыттара. Оттон бу нэдиэлэҕэ, кулун тутар 23-27 күннэригэр, чөмпүйэнээттэр Дьокуускайга иккис лига хамаандаларыгар салҕаналлар. Бу туһунан Sportyakutia.ru саайт иһитиннэрэр.

Волейболга күрэхтэһиилэр «Кыайыы 50 сыла» успуорт дыбарыаһыгар, «Стерх» успуорт комплексыгар уонна ХИФУ КФЕН-ын спортивнай саалатыгар ыытыллыахтара.

Сайын Бороҕоҥҥо буолуохтаах спортивнай оонньууларга кыттарга алта путевка оонньонуоҕа. Билиҥҥитэ мандаат үлэтэ уонна сэрэбиэй буола турар.

Күрэхтэһии араспысаанньата:

«Кыайыы 50 сыла» успуорт дыбарыаһыгар:

23.03.22.- 09:00 — 20:00

24.03.22.- 16:00 — 20:00

26.03.22.- 09:00 — 20:00

27.03.22. -09:00 — 20:00

ДЮСШ №6 «Стерх»

23.03.22. -09:00 — 20:00

24.03.22. -09:00 — 20:00

25.03.22.- 09:00 — 20:00

ХИФУ КФЕН спортивнай саалата:

24.03.22 -09:00 — 20:00

25.03.22.-09:00 — 20:00

СИА хаартыската.