Спортивнай оонньуулар: волейбол күрэхтэһиилэрэ саҕаланнылар

Бүгүн, от ыйын 4 күнүгэр,  Уус Алдан Бороҕонугар  1000 миэстэлээх спортивнай стадиоҥҥа төһө даҕаны саахал тахсыбытын иһин волейболга күрэхтэһии буола турар. Мантан киэһэ мини-футболга уонна оҕунан ытыыга күрэхтэһии саҕаланыаҕа. 

Волейболга бүгүн төрдүс оонньуу буола турар — Уус Алдан улууһун уонна Хотугулуу-Илиҥҥи федеральнай университетын хамаандалара күрэхтэһэ сылдьаллар. Бу көрүҥҥэ бастакы категориялаах судьуйа Афанасий Кузьмин күрэхтэһии туһунан маннык кэпсиир:

— Үһүс оонньуу тиэхиньиичэскэй биричиинэнэн өр буолла. Ол иннинэ Амма — Горнай оонньообута, Амма кыайбыта. Мэҥэ Хаҥалас — Орто Халыма киирсибиттэрэ, Мэҥэ кыайбыта.  Салгыы Таатта — Чурапчы оонньоотулар, Чурапчы кыайбыта. Билигин хаһаайыттар Уус Алдан хамаандата Хотугулуу-Илиҥҥи федеральнай университеты кытта күрэхтэһэ сылдьаллар.

Чараҥ успуорт саалатыгар кыргыттар, Мындаабаҕа уолаттар оонньууллар. Уопсайа 12 хамаанда кыттар. Мантан киэһэ өссө Өлүөхүмэ уонна Мэҥэ Хаҥалас, Нам уонна Чурапчы хамаандалара оонньуохтара. Бүгүҥҥү күҥҥэ быһаарыылаах оонньуу буолар, тоҕо диэтэххэ,  биир бөлөххө күүстээх хамаандалар бааллар.