Спортивнай оонньуу уота Амматтан Бороҕоҥҥо кэллэ!

Ааптар: 
Бөлөххө киир:

Бэс ыйын 27 күнүгэр Аммаҕа саҕыллыбыт спортивнай оонньуу уотун 1035 км суолу сүүрэн, араас кэмҥэ аатырбыт Саха сирин уонна Уус Алдан биллиилээх спортсменнара хардарыта тутан Бороҕоҥҥо аҕаллылар.

Эстэпиэтэ уотун тутааччылар Уус Алдан бары 21 нэһилиэктэрин кэритэн улуус киинигэр, «Майаҕатта Бэрт Хара» аатынан стадиоҥҥа дохсун ытыс тыаһыгар доҕуһуоллатан киллэрдилэр.

Мүрү нэһилиэгин аҕа баһылыгар Василий Аммосовка уоттаах факелы успуорт бэтэрээнэ, уһун дистанцияҕа сүүрэр экстремал Дмитрий Горохов туттарда.

“Бэрт сыралаах эстэпиэтэ буолла. Араас мэһэйи, куйааһы, самыыры санныбытыгар сүгэн кэллибит. Улууспут бары нэһилиэктэригэр олус сылаастык, эйэҕэстик, уруйдуу-айхаллыы көрүстүлэр. Уон хонуктаах эстэпиэтэбит этэҥҥэ түмүктэннэ”, — диир улахан уопуттаах спортсмен.

Егор Карпов

Хаартыскалар ааптар, Мария Васильева (СИА) түһэриилэрэ

+1
0
+1
0
+1
0
+1
0
+1
0
+1
0
+1
0