Спортивнай күрэхтэһиилэри тэрийии туһунан

Ааптар: 
Бөлөххө киир:

Бу туһунан СӨ Успуорт министиэристибэтэ иһитиннэрэр.

Ил Дархан Айсен Николаев 2021 сыл тохсунньу 14 күнүнээҕи ыйааҕынан, Саха сиригэр 2021 с. физкултуурунай-чэбдигирдэр уонна спортивнай-маассабай  халандаарынай былааҥҥа киллэриллибит официальнай спортивнай тэрээһиннэри тэрийии туһунан успуорт министиэристибэтин пресс-сулууспата иһитиннэрэр.

Спортивнай тэрээһиннэри тэрийиигэ, коронавирус сыстыганнаах дьаҥын утарар, сэрэтэр санитарнай-эпидемиологическай ирдэбил булгуччу тутуһуллуохтаах. Ол инниттэн, СӨ Роспотребнадзор управлениетын уонна СӨ хоруона хамсыгын бохсууга үлэлэһэр суһал ыстаабы кытары тэрээһини тэрийэн ыытыы усулуобуйатыгар хайаатар да сөбүлэһии түһэрсиллиэхтээх, — диир миниистир Иннокентий Григорьев. Маныаха, спортивнай тэрээһиннэр көрөөччүтэ суох ыытыллаллар. Оттон кыттааччылар уонна күрэхтэһии судьуйалара булгуччу хоруона хамсыгар (ПЦР) туттарбыт анаалыстарын түмүгэ баар буолара ирдэнэр. Бу анаалыс түмүгэ сибиэһэй, күрэхтэһии саҕаланыан үс хонук иһигэр (онтон уһаабатах буолуохтаах) бэриллибит буолуохтаах. Маны сэргэ, спортсменнар биир сиргэ түмсүүлэрин таһаарбат туһуттан, тэрээһин саҕаланыан 10 күн иннинэ, күрэхтэһиини ыытыы туһунан Регламент бигэргэтиллэр. Онно күрэхтэһэр бириэмэлэрэ, бөлөх (дьиссипилиинэ, күрэхтэһээччи сааһа, ыйааһына), күрэхтэһии көрүҥүн уратыта учуоттанар.
Ону таһынан, успуорт көрүҥнэринэн официальнай саҕалааһыннарга методическай рекомендациялар тутуһуллаллар. Бу туһунан сиһилии СӨ Успуорт министиэристибэтин саайтыгар көрүөххүтүн сөп.
+1
0
+1
0
+1
0
+1
0
+1
0
+1
0
+1
0