Спортивнай бэлэмнэнии киинин спортсменнара, тириэньэрдэрэ быһыыны ыллылар
«Спортсменнар уонна тириэньэрдэр өрөспүүбүлүкэ таһыгар элбэхтэ бараллар-кэлэллэр, онон быһыыны хайаан даҕаны ылыахтаахтар. Мин санаабар, быһыы коронавирус тарҕаныытын тохтоторго биир саамай көдьүүстээх ньыма. Арассыыйа вакцинатыгар саарбахтаабаппыт. Биһиги спортсменнар, нэһилиэнньэни успуордунан дьарыктаналларыгар уонна бэйэлэрин харыстаналларыгар ыҥырабыт», – диэн спортивнай бэлэмнэнии киинин дириэктэрэ Леонид Спиридонов эттэ.
Наука чинчийээччилэрэ этэллэринэн, Арассыыйа вакцината – аан дойдуга саамай көдьүүстээх уонна куттала суох быһыы буолар диэн эттилэр. “Спутник V” аан дойду уон икки дойдутугар регистрацияланна: Арассыыйа, Беларусия, Сербия, Аргентина, Боливия, Алжир, Палестина, Венесуэла, Парагвай, Туркменистан, ОАЭ, Венгрия.
СӨ успуордун министиэристибэтэ.