Спортивнай суруналыыс Николай Бястинов араадьыйаҕа үлэлии көстө

«Саха сирэ» хаһыакка таһаарааччы эрэдээктэринэн үлэлээбит биллэр спортивнай суруналыыс Николай Бястинов «Саха» НКИХ араадьыйатын дириэктэрин солбуйааччынан үлэлии көстө. Коллегабытыгар саҥа эйгэҕэ ситиһиилээх үлэни баҕарабыт. 

«Бу дуоһунаска ыҥырбыттара соһуччу этэ. Сүрдээх эппиэтинэстээх үлэ. Эмиэ да соһуйбутум, эмиэ да үөрбүтүм. Ол эрэн, киһи салгыы үүнүөхтээх-сайдыахтаах дии саныыбын. Үлэлииргэ бэлэммин«, — диэн Николай edersaas.ru кэпсээтэ.

Николай Бястинов 1985 с. Томпо улууһун Кириэс-Хальдаайы нэһилиэгэр төрөөбүт. 2007 сыллаахха СГУ Саха салаатын бүтэрбит. «Томпонский вестник» хаһыакка үлэлээн саҕалаабыт. 2008-2017 сс. «Спорт Якутии» хаһыакка кэрэспэдьиэнинэн, таһаараччы эрэдээктэринэн үлэлээбит. «Саха» НКИХ ханаалыгар уонна араадьыйаҕа «Тайм-аут» спортивнай биэриини ыытар. Кэргэннээх, уол оҕолоох.

Николай Попов, edersaas.ru