Спиридон Борбуев: “Санкция бу да иннинэ баара”

Ааптар: 
Бөлөххө киир:

Арассыыйа-Украина сыһыаннаһыытынан, тас дойдулар биллэрбит санкцияларынан Үөһээ Бүлүү улууһун үөрэҕин управлениетын начаалынньыга Спиридон Борбуев санаатын үллэстэр.

— 2014 сылтан Донецкай, Луганскай норуодунай өрөспүүбүлүкэлэр батталга олорон кэлбиттэрин бары билэбит. Дойдубут бэрэсидьиэнэ Владимир Путин бу үөскээбит балаһыанньаны кытта сөпсөспөтүн биллэрэн анал байыаннай операцияны биллэрбитэ.

Биллэн турар, санкциянан сибээстээн табаарга, аска-үөлгэ сыана күн-түүн үрдүү турар. Дойду салалтата, бырабыыталыстыбата маны хонтуруолга ылар. Итиэннэ олохтоох оҥорон таһаарыыга улахан болҕомтотун уурар.

Арассыыйа, Саха сирэ түүлээҕинэн, маһынан, көмүһүнэн, тимиринэн, этинэн-аһынан баай сирдээх. Ону сөпкө туһанар, бэйэ кыаҕын сайыннарар кэм кэллэ. Санкция быйыл эрэ киирбит хам баттыыр дьаһал буолбатах, бу иннинэ да баара. Судаарыстыбабыт маннык балаһыанньаҕа бэлэм. Дойду бэрэсидьиэнэ аҕыйах хонуктааҕыта эрэ 8-16-гар диэри саастаах элбэх оҕолоох ыалы өйүүр дьаһалга илии баттаата. Ол иннинэ да кэккэ миэрэлэри ылбыттара. Тыа сиригэр олорор дьон сүөһүлээх буолан эрэх-турах сананабыт. Салгыы бэйэ оҥорон таһаарыытын элбэтэр, кэҥэтэр суолу тутуһуохтаахпыт. Арассыыйаны утары санкцияны эрэ биллэрбэтилэр, информационнай сэрии саҕаламмыт уустук кэмигэр оҕолорбутугар, ыччаттарбытыгар өйдөтөр үлэни күүскэ ыытыахтаахпыт, — диэн этэр.

edersaas.ru

+1
0
+1
0
+1
0
+1
0
+1
0
+1
0
+1
0