Үөһээ Бүлүү улууһунааҕы үөрэх салалтата саҥа үөрэх дьылыгар бүгүҥҥүттэн бэлэмнэнэн эрэр.
edersaas.ru
Бу туһунан улуустааҕы үөрэх управлениетын салайар Спиридон Борбуев маннык кэпсиир:
— Балаҕан ыйын 1 күнүн көрсөргө Үөһээ Бүлүү улууһун үөрэҕин салалтатын үлэҕинэн, улуустааҕы 4 №-дээх оскуола «Точка роста» киинигэр улууска хас биирдии учууталга уонна оҕо саадын уһуйааччытыгар анаан 1500 кэриҥэ дьаҥтан харыстыыр сирэйгэ кэтиллэр маасканы үлэһэн оҥоттордубут.
Маны барытын ахсааннарынан оскуолаларга, уһуйааннарга босхо биэриэхпит. Коронавирус сыстыганнаах дьаҥынан сибээстээн, тэрилтэлэргэ мааскалаах сылдьыы ирдэнэр.
Аны күһүҥҥэ диэри балаһыанньа тупсубатаҕына, үөрэх бары тэрилтэлэригэр ирдэбил өссө күүһүрүөҕэ. Оттон учуутал, иитээччи оҕону кытары үлэлиир «үнүстүрүмүөнэ» — кини айаҕа уонна сирэйэ. Кини тылы хайдах саҥарарын, сирэйин мимикатын оҕо көрөн үөрэниэхтээх. Оччоҕо эрэ уруок, дьарык табыллар, оҕо үөрэҕи ылынар.
Оттон бу дьаҥ тохтуур түбэлтэтигэр, сылга сороҕор иккитэ кэлэр тумууга, сөтөлгө харантыыны биллэрэн үөрэҕи тохтоппот туһуттан, маннык харыстанар маасканы кэтии ирдэбил быһыытынан киирэн, нуорума курдук буолуоҕа.
… Кырдьык даҕаны, бу маннык дьаҥтан харыстыыр «сирэй» атын улуустарга бэртээхэй бастыҥ холобур эбит!
Елена ПОТОЦКАЯ, «Саха сирэ» хаһыат, edersaas.ru
Хаартыска: Спиридон Борбуев тиксэриитэ