Социальнай уонна мэдиссиинискэй үлэһиттэр эбии төлөбүрдэри ылыахтара

Ааптар: 
Бөлөххө киир:

3,3 миллиардтан тахса солкуобай коронавирус дьаҥын бохсор үлэһиттэргэ төлөнүөҕэ диэн РФ Бырабыыталыстыбатын бэрэссэдээтэлэ Михаил Мишустин дьаһалга илии баттаата. Бу туһунан объясняем.рф саайт суруйар.

Бэрэсидьиэн ыйааҕынан бу эбии страховой төлөбүрдэри быраастар, орто уонна дьоҕус мэдиссиинискэй персонал үлэһиттэрэ, итиэннэ үлэлии сылдьан коронавируска сутуллубут «суһал көмө» суоппардара ылаллар.

Маны таһынан 2,2 миллиардтан тахса сууманы байыаннай чаастарга, ис дьыала уорганнарыгар, баһаары утары үлэлиир сулууспаларга уо.д.а. үлэлиир миэдиктэргэ социальнай төлөбүр көрүллэрин туһунан дьаһалга илии баттанна. Бу үлэһиттэр гражданскай медперсонал тэҥэ ыарыһахха көмө буолаллар.

Михаил Мишустин өссө биир дьаһалынан социальнай тэриллиилэргэ коронавируска сутуллубуттары көрөр-истэр үлэһиттэргэ 2,5 миллиардтан тахса солкуобай көрүлүннэ. Бу үп кырдьаҕастар дьиэлэригэр, инбэлииттэр интэринээттэригэр уо.д.а. социальнай хайысхалаах сиргэ үлэлиир дьоҥҥо барыаҕа. Бу дьаһалы Бэрэсидьиэн көҕүлээтэ.

+1
0
+1
0
+1
0
+1
0
+1
0
+1
0
+1
0