Арассыыйа Бырабыыталыстыбата атырдьах ыйын 31 күнүгэр таһаарбыт 2418-р №-дээх дьаһалынан, эрэгийиэннэргэ инбэлииттэр уонна кырдьаҕастар интэринээт-дьиэлэрин тутууга эбии үбүлээһин оҥоһуллар буолла.
edersaas.ru
Михаил Мишустин илии баттаабыт бу докумуонугар олоҕуран, Саха Өрөспүүбүлүкэтигэр быйыл 239 мөл. 594 тыһ. солк эбии кэлэрэ быһаарылынна. Маны таһынан, бигэргэтиллибит бырайыактаах дьиэлэр тутууларыгар 2022-2023 сс. эбии үбүлээһин көрүллэр буолла, онон кэлэр сылга өрөспүүбүлүкэҕэ 528 мөл 27 тыһ., 2023 с. – 152 мөл 322 тыһ. солкуобай харчы эбии кэлэр буолла. Бу үлэ «Гражданнары социальнай өйөөһүн» судаарыстыбаннай бырагыраама чэрчитинэн ыытыллар диэн Ил Дархан уонна Бырабыыталыстыба пресс-сулууспата иһитиннэрэр.
Раиса Сибирякова, «Саха сирэ» хаһыат, edersaas.ru