“Демография” национальнай бырайыак соруктарын толорор сыалтан, “Уһун үйэлэнии уонна доруобай олоҕу уһатыы” эрэгийиэннээҕи бырайыак чэрчитинэн, медицинскэй-социальнай уонна суһал социальнай өҥөлөрү оҥорор 14 мобильнай биригээдэлэр тэрилиннилэр.
Ол курдук, федеральнай бүддьүөттэн кэлбит 11 400,00 тыһ. солк. суумалаах 14 массыына атыылаһыллан, улуустарынан тарҕатылыннылар. Алдан, Амма, Үөһээ Бүлүү, Эдьигээн, Мэҥэ Хаҥалас, Мииринэй, Муома, Нам, Нерюнгри, Аллараа Халыма, Сунтаар, Чурапчы, Бүлүү, Хаҥалас улуустарыгар мобильнай биригээдэлэр тэрилиннилэр. Кинилэр Үлэ, социальнай сайдыы министиэристбэтин иһинэн үлэлииллэр.
Бу маннык биригээдэлэр соҕотох олорор кырдьаҕастарга, инбэлииттэргэ көмөлөһөр соруктаахтар. Холобур, ыраах бөһүөлэккэ олорор кырдьаҕаһы балыыһаҕа киллэриэхтэрин сөп. Көмөҕө наадыйар дьону булар, кыһалҕаларын быһаарсарга көмөлөһөр, балыыһалары кытары бииргэ үлэлэһэр, социальнай өҥөлөрү оҥорор сыаллаахтар.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1