СӨ Үлэҕэ уонна социальнай сайдыыга министиэристибэтигэр «Социальнай үлэһит — оҕо хараҕынан» диэн оҕолорго ыытыллыбыт уруһуй күрэһин кыайыылаахтара быһаарылыннылар.
Министиэристибэ үлэһиттэрин идэлээх сойуустарын көҕүлээһининэн тэриллибит күрэскэ 7-тэн 16- гар диэри саастаах оҕолор кытыннылар. Бу куонкуруска уопсайа 207 оҕо кытынна. Күрэстэһээччилэр үлэлэрин саастарынан үс бөлөххө арааран көрдүлэр.
Хас биирдии тэрилтэ бэйэтин иһигэр бөлөхтөрүнэн кыайыылаахтары быһаарда. Мэҥэ Хаҥалас улууһунааҕы социальнай көмүскэл управлениетын үлэһиттэрин оҕолоро саамай көхтөөх кыттыыны ылбыттара бэлиэтэннэ.
Күөн күрэс оҕону социальнай үлэһит идэтин интэриэһиргэтэр, өйдөтөр сыаллаах ыытылынна. Бастыҥ үлэлээхтэр махтал суруктарынан уонна сыаналаах бэлэхтэринэн наҕараадаланыахтара.
+1
+1
+1
+1
+1
+1
+1