Былырыын коронавируснай инфекцияны утары үлэ чэрчитинэн, бырабыыталыстыба сыл аайы регистрацияны эрэйэр социальнай көмөнү 2021 сыл кулун тутар 1 күнүгэр диэри сайабылыанньата суох биэрэр туһунан быһаарыыны ылыммыта. Бэйэни хааччахтанан олоруу кэмигэр бу миэрэ туһалаах этэ.
Бу миэрэ болдьоҕо ааспытынан, социальнай көмүскэл уорганнара билигин бэрэбиэркэни ыыта сылдьаллар. Тэрилтэлэр икки ардыларынааҕы информационнай алтыһыы түмүгүнэн, наадалаах сибидиэнньэлэри хомуйаллар. Холобур, төрөөһүн, өлүү, арахсыы, ыал буолуу, олорор аадырыска регистрацияланыы, дохуот, биэнсийэ, субсидия, о.д.а. туһунан сибидиэнньэлэр хомуллаллар.
Өскөтүн дьиэ кэргэн хас биирдии чилиэнигэр тиксэринэн, ыйдааҕы орто дохуот тиийинэн олоруу алын кээмэйиттэн таһынан тахсара билиннэҕинэ, босуобуйаны, төлөбүрү тохтотоллор.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1