Өрөспүүбүлүкэҕэ социальнай хантараак биэрэн, судаарыстыба үлэтэ суох дьоҥҥо, кыаммат ыалга дьоҥҥо социальнай көмө оҥорор. 2020 сылга социальнай хантараакка 330 мөлүйүөн солкуобай көрүлүннэ.
edersaas.ru
Социальнай хантараагы ыал хаһаайыстыбатын сайыннарарга, кэҥэтэргэ, тиэхиньикэ ылынарга уонна бэйэ дьыалатын арынарга биэрэллэр. Көмө орто кээмэйэ – 180 тыһыынча солкуобай.
Холобур, маннык көмөнү туохха биэрэллэрий?
—тыа хаһаайыстыбатыгар аналлаах тиэхиньикэни, сүөһүнү-сылгыны, дьиэ кыылларын атыылаһарга, оҕуруот аһын, үүнээйини үүннэрэргэ;
— бэйэ дьыалатын арынан, урбааны сайыннарарга.
Үлэ, социальнай сайдыы миниистирэ Елена Волкова иһитиннэрбитинэн, былырыыҥҥыттан ыла ыарахан балаһыанньаҕа түбэспит, кыаммат ыалга харчынан көмө бэриллэр буолбут. Бу көмөнү үлэ көрдүүргэ, үөрэнэргэ, дьиэни, тиэргэн тутууларын өрөмүөннүүргэ, ититэр систиэмэни холбуурга, о.д.а. туһаныахха сөп.
Көмөнү ыларга социальнай управлениеларга, эбэтэр олохтоох дьаһалтаҕа тиийэн билсиэххэ сөп.
2019 сылга 3539 ыал уонна соҕотох олорор дьон социальнай хантараагы ылбыттар. Ол иһигэр: 1430 хантараак – хаһаайыстыбаны сайыннарарга уонна бэйэ дьыалатын арынарга, 2109 хантараак – ыарахан балаһыанньаттан тахсарга бэриллибит.
Ангелина Васильева, “Саха сирэ” хаһыат, edersaas.ru