Бүгүн, олунньу 16 күнүгэр, СӨ баһылыга Айсен Николаев РФ Бырабыыталыстыбатын бэрэссэдээтэлин солбуйааччы Александр Новак салайааччылаах социальнай гаастааһын тула сүбэ мунньахха кытынна.
«Саха сиригэр нэһилиэнньэлээх пууннары гаастааһыҥҥа эрэгийиэннээҕи ыстаап үлэлиир, ону мин салайабын. Манна операторынан «Сахатранснефтегаз» буолар. Тустаах бырагыраама өрөспүүбүлүкэ уон оройуонун 82 нэһилиэнньэлээх пуунугар уонна Дьокуускай куорат уокуруктарыгар, Жатайга сөп түбэһэр.
«Биир ньыгыл Арассыыйа» баартыйа, Бүтүн Арассыыйатааҕы норуодунай фронт көхтөөх кыттыыларынан, сайаапкаласпыт олохтоохтору кытта үлэ ыытыллар.
Ааспыт сыл балаҕан ыйыттан социальнай гаастааһынынан 307 дьиэ-уот гаастанна. Быйыл өссө киэҥ далааһыннаах үлэ күүтэр, эрэгийиэннээҕи оператор 2500 кэриҥэ дьиэни гааска холбуур былааннаах.
Сайаапканы «Сахатранснефтегаз» саайтыгар биэриэххэ сөп: sg.aostng.ru«, — диэн Ил Дархан «Телеграмыгар» иһитиннэрдэ.
Хаартыска — Айсен Николаев «Телеграмыттан».