Бас билии араас киэптээх көрүҥнэрэ, хамсаабат баайга-дуолга итиэннэ сиргэ сыһыаннаһыы сокуону халбаҥнаабакка тутуһары ирдиир.
Ол иһин олохтоох дьаһалталар исписэлиистэрэ, землеустроителлэр саҥа сокуоннары, регламеннары үөрэтэллэрэ, билиилэрин мэлдьи үрдэтэллэрэ ирдэнэр. Эрэгийиэннэр икки ардыларынааҕы коммуникация киинэ от ыйын 14 күнүттэн «Хамсаабат баайы-дуолу кадастрга учуоттааһын уонна регистрациялааһын, Росреестр уорганнарын кытары бииргэ үлэлээһин уратылара» диэн тиэмэҕэ сүбэлиир-амалыыр вебинары ыытыаҕа. Онно Росреестр, землеустроительнай уонна бырайыактыыр тэрилтэлэр бэрэстэбиитэллэрэ, кадастр инженердэрэ, сир дьыалаларыгар сыһыаннаах юристар, саҥа сокуону ырытан оҥорооччулар кыттыыны ылыахтара. Бу туһунан Саха Өрөспүүбүлүкэтин Баайга-дуолга уонна сиргэ сыһыаннаһыыларга министиэристибэтэ иһитиннэрэр.
Раиса Сибирякова, «Саха сирэ» edersaas.ru