Сотору Үс Хатыҥҥа оһуохай кыайыылааҕа биллиэҕэ

Ааптар: 
Бөлөххө киир:

Үс Хатыҥҥа икки күннээх оһуохай түмүгэ сотору биллиэҕэ. 

Быйылгы ыһыах уратытынан тэрээһин 100 сыллаах автономия, Ийэ сыла, Оһуохай түмсүүтүн 35 сыла курдук үбүлүөйдэргэ ананна. Аны иккис уратытынан,  Оһуохай түмсүүгэ анал миэстэ бэриллэн, түмсүү чилиэннэрэ үтүө санааларынан үп-харчы хомуйан, төрдүс анал түһүлгэҕэ өрөгөй илгэлээх ытык сэргэ туруорулунна.
Оһуохай ыһыах бастакы күнүттэн күн тахсыытыгар диэри ыытыллан, бүтэһик 70-с этээччи эттэҕинэ түмүктэнэр.
Оһуохай күрэҕэр хаһан баҕарар кыахтаахтан кыахтаах, эрчимнээх, тулуурдаах этээччи кэлэринэн уратылаах. Эдэр ыччаттан саҕалаан 95 саастаах Аар Дархан этээччигэ тиийэ эттилэр. Күөх Ньурбаттан Саха сирин Дархан этээччитэ Дмитриева Тамара Григорьевна, Семенова Айна Николаева, Үөһээ Бүлүүттэн Саха сирин Үтүөлээх этээччилэрэ Марианна Хобусарова, Василий Игнатьев, Сунтаартан Дархан этээччилэр Кураһаай, Лариса Иванова, Лилия Михайлова, Бүлүуттэн Каролина Харлампьева, Фёдора Донская, Тааттаттан Афанасий Попов, Мэҥэ Хаҥаластан Стас Иванов, Эҥсиэлиттэн Валентин Хорунов, Сэмэн Алексеев, Чурапчыттан Данил Пестряков, Дьокуускай куораттан Марта Николаева, Аар Дархан этээччи Анатолий Кривошапкин курдук этээччилэр уонна эдэрдэр кытыннылар. Устар ууну сомоҕолуур бастыҥ этээччи аата бүгүн күнүс 17 чаас диэки биллиэ.  Өссө да 10-тан киһи этэрэ хаалла.

Үс Хатыҥтан Надежда Егорова.

+1
0
+1
0
+1
0
+1
0
+1
0
+1
0
+1
0