Сотору Мархаҕа бассейннаах, катоктаах физкультурнай-чэбдигирдэр комплекс үлэҕэ киириэҕэ

Ааптар: 
Бөлөххө киир:

Дьокуускай куоракка бассейннаах, катоктаах физкультурнай-чэбдигирдэр комплексы тутуу кыраапык быһыытынан барар.

Барыта этэҥҥэ буоллаҕына, быйыл алтынньыга үлэҕэ киириэҕэ. Билигин саҥа комплексы исписэлиистэринэн хааччыйыы барар. Бүгүн комплексы тутууну  СӨ Бырабыыталыстыбатын бэрэссэдээтэлэ Андрей Тарасенко көрдө-иһиттэ.  Соторутааҕыта Ил Дархан Айсен Николаев Алдаҥҥа, Чульмаҥҥа уонна Дьокуускайга «Газпром» ПАУо-ны кытта бииргэ үлэлээһиҥҥэ Сөбүлэһии чэрчитинэн, спортивнай үс комплекс тутулла туралларын туһунан эппитэ. Аныгы ирдэбилгэ толору эппиэттиир комплекстарга оҕолор уонна улахан дьон успуордунан дьарыктанан доруобуйаларын бөҕөргөтүнүөхтэрэ диэн санаатын үллэстибитэ.

«Бу улахан спортивнай комплекска үрдүк таһымнаах исписэлиистэр, тириэньэрдэр наадалар. Бу боппуруоһу быһаарыынан СӨ Успуорка министиэристибэтэ уонна Дьокуускай куорат дьаһалтата дьарыктаналлар», – диэн Андрей Тарасенко быһаарар.  Тутуу Марха сиригэр-уотугар турар. Билигин эбийиэк ис үлэтин үмүрүтүү барар, сотору катогу хааччыйар анал  оборудованиены таҥан туруоруу саҕаланыаҕа.

+1
0
+1
0
+1
0
+1
0
+1
0
+1
0
+1
0