Сотору Бүлүүгэ «Сыгый Кырынаастыыр» опера дьиэрэйиэ

Бөлөххө киир:

«Сыгый Кырынаастыыр»  көмүс буукубанан суруллар Саха сирин иккис национальнай оператынан буолар. Опера муусукатын  М.Н.Жирков, Г.И. Литинскэй айбыттара.

Билигин  Бүлүү куоракка  Култуура дыбарыаһыгар  операны туруорууга күүстээх  бэлэмнэнии  бара турар.  Саамай сүрүнэ, Бүлүү куорат олохтоохторо кытталлар,  муус устар 10 күнүгэр туруоруллуоҕа. Онон маннык хабааннаах тэрээһин Саха сиригэр өссө буола илик диэн тэрийээччилэр этэллэр.

Улуустааҕы култуура сайдыытын киинин салайааччы Алена Дашевская: Операны  Саха АССР тэриллибитэ 100 сылыгар анаан туруорабыт.  Сотору, муус устар 10 күнүгэр,  Саха сирин бастакы композитора Марк Жирков  төрөөбүтэ 130 сыла буолар. Операны туруорууга улуус художественнай-самодеятельнай кэлэктииптэрэ кытталлар. Сүрүн баартыйалары улууспут талааннаах ырыаһыттара толоруохтара.   Сүрүн дьоруойу — Сыгый Кыранаастыыры — Салтанат Маччаева, Нарыйа Николаева уонна Русалида Донская (дублердар) толоруохтара.  Опера муусукатын саха национальнай үнүстүрүмүөннэрин оркестра  доҕуһуоллуоҕа уонна С.А. Зверева-Кыыл Уолун аатынан үҥкүү тыйаатырын бөлөҕө кыттыаҕа.  Бырайыагы көҕүлээччинэн улууспут баһылыга Сергей Винокуров буолар”, — диэн кэпсээтэ.

Санатар буоллахха, «Сыгый Кырынаастыыр»  опера Дьокуускай куоракка Суорун Омоллоон аатынан Опера уонна балет тыйаатырыгар муус устар 13 күнүгэр буолуоҕа.

edersaas.ru

+1
0
+1
0
+1
0
+1
0
+1
0
+1
0
+1
0