«Сосновай бор» Арктика оҕолоругар аанын аста

Ааптар: 
Бөлөххө киир:
Кулун тутар 9 күнүгэр «Сосновай бор» оҕо  доруобуйатын чэбдигирдэр уонна сынньанар киинигэр «Арктика оҕолоро» симиэнэ аһылынна. 
СӨ Экологияҕа, сир баайын туһаныыга уонна ойуур хаһаайыстыбатыгар  миниистирэ Сахамин Афанасьев ыраах хоту улуустартан кэлбит оҕолорго дириҥ ис хоһоонноох экологическай тэрээһиннэргэ актыыбынайдык кытталларыгар, үчүгэй сынньалаҥы баҕарда.
СӨ Арктика сайдыытын уонна хотугу норуоттар дьыалаларын миниистирин бастакы солбуйааччы Михаил Погодаев көхтөөх сынньалаҥы баҕаран туран, оҕолорго бу симиэнэттэн бэрт элбэххэ үөрэнэн баралларыгар ыҥырда.
Ыалдьыттарга хоту улуустартан кэлбит талааннаах оҕолор хомуска оонньоон, саха уонна хотугу норуоттар фольклордарын көрдөрөн, ырыа ыллаатылар, хоһоон аахтылар.
«Арктика оҕолоро» симиэнэҕэ 12-17 саастаах 50-тан тахса оҕо өрөспүүбүлүкэ арктическй улуустарыттан сынньана кэллилэр.
Оҕолор манна доруобуйаларын бөҕөргөтүөхтэрэ, экологическай хайысхалаах бырагырааманан дьарыктаныахтара, инники идэлэрин талыыга араас тэрээһиннэргэ кыттыахтара, спорт араас көрүҥнэринэн дьарыктаныахтара.

Елена ПОТОЦКАЯ, “Cаха сирэ” хаһыат, edersaas.ru

Хаартыска — СӨ Арктика сайдыытын уонна хотугу норуоттар дьыалаларын саайтыттан.

+1
0
+1
0
+1
0
+1
0
+1
0
+1
0
+1
0