Доруобуйа Уопсастыба

Сорох эмп босхо бэриллиэн сөп



РФ Доруобуйа харыстабылыгар министиэристибэтэ быраас ырысыапка суруйар эмтэрин босхо биэрэргэ этии киллэрдэ уонна боппуруоһу дьүүллэһиигэ таһаарда. Билиҥҥитэ босхо эминэн инбэлииттэр, сэрии бэтэрээннэрэ, 3-гэр диэри саастаах оҕолор эрэ туһаналлар. Испииһэги сылга биирдэ уларыталлар уонна бигэргэтэллэр. edersaas.ru

Бу этии олоххо киирэр түгэнигэр, босхо бэриллэр эмтэр испииһэктэрэ оҥоһулла сылдьарын туһунан РФ доруобуйа харыстабылын тэрийэр научнай-чинчийэр институкка бигэргэттилэр.

Бырайыак 2018 сылтан боруобаланыан сөп. Онуоха сылга 500-чэ миллиард суумалаах үп наада диэн сабаҕалыыллар. Министиэристибэ исписэлиистэрэ босхо эмп киһиэхэ барытыгар буолбакка, чөл олоҕу тутуһааччыларга, диспансеризацияны кэмигэр барааччыларга уонна бэйэлэрин доруобуйаларыгар эппиэтинэстээхтик сыһыаннаһааччыларга эрэ бэриллэригэр баҕараллар.

Надежда ЕГОРОВА, «Саха сирэ» хаһыат, edersaas.ru

 

4
0

Санааҕын суруй