Маны аах Тыа хаһаайыстыбата

Сопхуос саҕаттан быраҕыллыбыт бааһыналары сөргүттүлэр

Кэнники сылларга Өлүөхүмэ улууһугар сири оҥорооччулар сопхуос саҕаттан быраҕыллыбыт элбэх бааһынаны чөлүгэр түһэрдилэр.

«Өлүөхүмэ кыладабыайа» ХЭТ Өлүөхүмэ Амматыгар (Олекминскай сэл.) Кыһыл Хайаҕа, Тураҥнаахха, Стреловкаҕа, Уһун Кырдайга, Бэс Быһарга, барыта 453 гектардаах бааһынаны, оттон Даппарайга Иван Ощепков салайар «Кыым» бааһынай хаһаайыстыбата Төгүрүк уонна Булгунньахтаах бааһыналарын, 65 гектары, сөргүтэннэр бурдук ыһаллар.

Владимир Пермин «Гармония» бааһынай хаһаайыстыбата 160 гектардаах бааһынаны чөлүгэр түһэрдэ
Үҥкүргэ Владимир Пермин салайар «Гармония» бааһынай хаһаайыстыбата 160 гектардаах бааһынаны чөлүгэр түһэрдэ. Онтон 60 гектарыгар үһүс сылын бурдук ыһар, быйыл Маппыровка бааһынатыгар 32 гектары таҥастаата. Билигин эһиилги ыһыыга анаан 70 гектары паардыы сылдьаллар.

Тырахтарыыс Андрей Андриянов бааһынаны паардааһыҥҥа үлэлии сылдьар
Быйыл кураан уонна аһыҥалаах буолан, бурдук үүнүүтэ мөлтөх. Ол да буоллар, сир уустара онтон иҥнибэттэр, былаанаах үлэлэрин толороллор.

Өлүөхүмэттэн Валерий Малышев.

0
0