Интэриэһинэй Маны аах Эдэр саас

Сонун сыһыарыы: Килиэп ханна баарый? (видео)

Саҥа технологиялар биһиги күннээҕи олохпутугар күүскэ киирэннэр, төлөпүөнэ, интэриниэтэ, быһата, «өйдөөх» тэриллэрэ суох сатаммат буоллубут. Бу күннэргэ Сунтаар улууһун батсаап-бөлөхтөрүгэр «Где хлеб?» диэн саҥа мобильнай сыһыарыы баар буолбутун туһунан иһитиннэрии тарҕанна.

Дьонтон истэн билбитим, edersaas.ru дьоруойа, Хадан улууһун көхтөөх ыччата Илья Иванов нэһилиэк баһылыга Андрей Оконешниковы кытары көҕүлээн оҥорбуттар эбит.

Илья Ивановы кытары сибээстэһэ сылдьыбыппар:

-Биһиги идиэйэбитинэн бу сыһыарыыны Android платформаҕа  бастакынан сахалыы  клавиатураны айбыт  Александр Архипов оҥордо. Билигин ханнык баҕарар нэһилиэккэ, ордук сайыҥҥы өттүгэр килиэп боппуруоһа кытаатар. Килиэп маҕаһыыннарга атыыга бүтэн хаалан, улахан ыксалы үөскэтэр. Онон ити кыһалҕаны суох оҥорор сыаллаах   «Где хлеб?» диэн сыһыарыыны оҥордубут. Билигин Android туһанааччыларыгар таҕыста. Сотору iOS туһанааччыларыгар  тахсыаҕа, — диэн кэпсээтэ.

 

edersaas.ru

1
1