Сонун биэрии: саха атынан Лондоҥҥа тиийэр айанньыттар...
· - Олох-дьаһах - ЭС - маны аах

Сонун биэрии: саха атынан Лондоҥҥа тиийэр айанньыттар

Сарсыҥҥыттан, тохсунньу 11 күнүттэн 14 күнүгэр диэри, «Саха» НКИХ суруналыыстара Саха сириттэн Лондоҥҥа тиийиэхтээх айанньыттар тустарынан документальнай киинэлэрэ көстүөҕэ.

Биэриини режиссёр Радомир Томскай уонна оператор Александр Слепцов бэлэмнээтилэр. «Дугуйдаан Винокуров аҕатынаан, Өймөкөөн улууһун аатырбыт сылгыһыта Семён Винокуровы кытта Англия уола Никита Грецини саха атын айааһыырга, аһатарга, көрөргө-истэргэ үөрэттилэр. Бу айан научнай соруга суох. Икки омук айанньыта 15 тыһ. км түөрт саха атынан айаннаан тиийэллэрин көрдөрүөхтэрэ, иһитиннэриэхтэрэ«, — диэн кэпсиир режиссёр Радомир Томскай. Оттон ыраах айаҥҥа сылдьарга үөрэхтээх, Дьааҥы хоһуун уола, уопуттаах, талааннаах оператор Александр Слепцов -58 кыраадыс тымныыга маннык уустук устуу аан бастаан ыытыллыбытын бэлиэтиир. «Бытархай тымныыга устар тиэхиньикэбит барыта тоҥон хаалан эрэйдиэх курдук буолта. Онон аһаҕас халлааҥҥа, чысхаан тымныыга устууга улаханнык үөрүйэхтэнэн кэллибит«, — диэн санаатын үллэстэр «Саха» НКИХ оператора.

Бэрт сэргэх, интэриэһинэй биэрии киэһэ 9 чаастан буолуоҕа. Онон сарсыҥҥыттан өрөспүүбүлүкэ олохтоохторо Саха сирин уонна Англия ыччаттара ыраах айаҥҥа турунарга хайдах бэлэмнэммиттэрин көрүөхпүт-истиэхпит. Оттон «Саха сирэ» чэппиэрдээҕи бастакы ньүөмэригэр Дугуйдаан Винокуровы кытта бу айан туһунан кэпсэтиини ааҕыаххыт.

Елена ПОТОЦКАЯ, «Саха сирэ» хаһыат, edersaas.ru

Хаартыскалар Радомир Томскай тиксэриилэрэ

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

18 − четыре =