Сэтинньи 3 күнүгэр «Саха Өрөспүүбүлүкэтин быыһааччыларын сулууспата» судаарыстыбаннай тэрилтэҕэ Алдан улууһун олохтооҕуттан ыраах тыаҕа үүтээҥҥэ олорон ыараханнык ыалдьыбыт, 60 саастаах киһини эвакуациялыырга көрдөһөр сурук киирбитэ. Онон Дьокуускайтан Саахал медицинатын киинин бөртөлүөтэ быраастардаах уонна быыһааччылардаах тиийэн, Үөһээ Амма сэлиэнньэтиттэн 13 км сиргэ баар үүтээҥҥэ ыалдьыбыт киһиэхэ бастакы көмөнү оҥордо итиэннэ Алдан куоракка, оройуоннааҕы киин балыыһаҕа аҕалла. Быыһааччылар иккис сырыыларыгар Угайаан бөһүөлэгиттэн ыалдьыбыт кырдьаҕас эмээхсини Алдаҥҥа аҕаллылар.
«Саха Өрөспүүбүлүкэтин быыһааччыларын сулууспата» СХТ уопсастыбаннаһы кытары үлэҕэ исписэлииһэ
Николай Фатеев «Саха сирэ» edersaas.ru сайтка анаан
+1
+1
+1
+1
+1
+1
+1