Сомоҕолоһууга аналлаах тэрээһиннэр онлайн көрүҥүнэн барыахтара
Сомоҕолоһуу күнүгэр аналлаах бырааһынньыктааҕы тэрээһиннэр онлайн көрүҥүнэн барыахтара. Араас куонкурустар, биктэриинэлэр, быыстапкалар, сырдатар аахсыйалар буолуохтара.
СӨ Тас сибээс уонна норуоттар дьыалаларын министиэристибэтин @mvsidn_yakutia инстаграм-аккаунугар ыытыллар “Единство в нас” диэн хаартыска куонкуруһа сэтинньи 4 күнүгэр диэри барар. Өрөспүүбүлүкэ национальнай-култуурунай холбоһуктарын бэрэстэбиитэллэрин видеонан эҕэрдэлэрин уонна Саха сиригэр олорор норуоттар видеонан роликтарын эмиэ онно көрүөххэ сөп.
Ю.А. Гагарин аатынан култуура уонна аныгы искусство киинин ютубка ханаалыгар, http://gagarin-cultcenter.ru/ саайтыгар уонна @gagarin_cultcentre инстаграм-аккаунугар “Единство традиций народа Российского” диэн национальнай көстүүм уонна талааны көрдөрүү онлайн-конкуруһа буолар.
СӨ Ыччат дьыалаларын уонна социальнай коммуникация министиэристибэтэ бэйэтин @minmol_ykt инстаграмыгар «Россия в нашем сердце» уонна «Марафон наций» диэн аахсыйалары, ону таһынан «Моя Россия» уруһуй куонкуруһун ыытар. Кыттыан баҕалаах дьон бэйэлэрин инстаграмнарыгар #ДЕНЬНАРОДНОГОЕДИНСТВА2021 уонна #МОЯРОССИЯ диэн хештегтаах уруһуйдарын таһаараллара ирдэнэр.
Сэтинньи 3 күнүгэр 10:00 чаастан @simexsakha инстаграмыгар «Национальные изделия народов мира» норуот уус-уран оҥоһуктарын быыстапканан сүрэхтэниитэ буолар.
П.А. Ойуунускай аатынан Саха тыйаатырын ютуб ханаалыгар “Көмүөл” (ааптар Б.Харысхал) испэктээгин көрдөрөллөр.
СӨ Национальнай бибилэтиэкэтин https://nlrs.ru саайтыгар 10:00 чаастан “Норуот сомоҕолоһуутун күнэ” куйаар ситиминэн быыстапка буолар.
Өрөспүүбүлүкэ олохтоохторун 11:00 чаастан http://yakutmuseum.ru/ уонна @yakutmuseum инстаграмыгар «Русские старожилы Заполярной Якутии» онлайн-экскурсияҕа ыҥыраллар.
Сэтинньи 3-7 күннэригэр онлайн көрүҥүнэн сыллата тэриллэр Улахан этнографическай дьыктаан буолар. Норуоттар икки ардыларынааҕы сырдатар аахсыйа туһунан сиһилии https://www.miretno.ru/ саайтан билсиэххитин сөп.
СӨ Ил Дарханын уонна СӨ Бырабыыталыстыбатын пресс-сулууспата.
Хаартыска: СИА.