Мэҥэ Хаҥалас улууһун II Наахара нэһилиэгэр ыччаттар өттүлэриттэн аҕам саастаах дьоҥҥо болҕомто ууруллар. Ол курдук, бастакы муҥха балыгыттан үлэ, тыыл бэтэрээннэригэр, барыта 17 киһиэхэ, түҥэттилэр. Кырдьаҕастар үөрүүлэрэ, махталлара улахан.
Соторутааҕыта нэһилиэккэ (баһылык П.П.Никитин) сонун тэрээһин – “Сомоҕолоһуу муҥхата” буолла. Эбэни аһатыы сиэрэ-туома толорулунна. Нэһилиэк дьаһалтатын кэрэ аҥаардара мустубут дьону минньигэс эбиэтинэн күндүлээтилэр. Кинилэргэ уот оттон, уу баһан Иннокентий Тимофеев көмөлөстө.
Тоҥуу хаарынан эстафета, эр дьон, дьахталлар биирдиилээн бастыыр иһин күрэстэрэ улахан сэҥээриини ылла.
Киэһэлик муҥхаһыттар Оҕо күөлүттэн сөбүгэр бэриһиннэрэн, үөрэ-көтө илии тутуурдаах, өттүк харалаах дьиэлээтилэр.
Елена Прокопьева, уопсастыбаннай кэрэспэдьиэн
«Саха сирэ» хаһыат, edersaas.ru саайтка анаан.
+1
+1
+1
+1
+1
+1
+1